Ny månadsrekord for Nordhordlandsbrua

I august vart det sett ny månadsrekord for Nordhordlandsbrua. Totalt passerte 346.235 køyretøy over brua. Dette er det høgaste tal passeringar over ein månad og ein auke på fire prosent i høve til same månad i fjor. I gjennomsnitt passerte 11.169 køyretøy

August er den andre månaden i historia til Nordhordlandsbrua med over 11.000 passeringar i døgeret. Juni månad i år hadde 11.224 passeringar i gjennomsnitt, litt meir enn i august, men ein dag færre. Samla trafikk i juni vart dermed 336.729.

Etter 8 månader i 2005 er trafikkauken 4,5 prosent i høve til same periode i fjor. Sidan brua opna i september 2004 har vel 32 millionar køyretøy køyrt over brua.

Nordhordlandsbrua har att eitt lån på 55 millionar kroner. Lånet har ei rente på 2 prosent og fell til betaling 30. november i år. I tillegg til lånegjelda må ein krevja inn bompengar ei tid etter dette til tilbakebetaling av klippekort og til rydding av området på Flatøy der bompengestasjonen ligg.