Etter forslag frå Gisle Handeland (Ap) ved Hordaland fylkesutval 22. september samrøystes ei fråsegn om rask fjerning av kvikksølvlasta ved Fedje.
Fråsegna lyder: «Fylkesutval ser med stor uro på den alvorlege trusselen kvikksølvlasta i U-864 på havbotnen utanfor Fedje representerer. Fylkesutvalet vil be om at norske styresmakter no set inn alle nødvendige ressursar i arbeidet for å fjerna, ein gong for alle, den alvorlege faren dei enorme kvikksølvmengdene i ubåtvraket medfører for menneske, for livet i havet og for norsk fiskerinæring. Det er dessverre grunn til å frykta at norske styresmakter har venta altfor lenge med å setja i verk nødvendige tiltak. Fylkesutvalet krev derfor rask og effektiv handling.»
Fråsegna vert sendt til Fiskeri- og kystdepartementet og Miljøverndepartementet med kopi til Statens forurensingstilsyn (SFT) og Kystdirektoratet.
Les heile pressemeldinga med vedtak frå fylkesutvalet (word)