Statsbudsjettet styrkjer Hordalandskulturen

— Regjeringa sitt forslag til statsbudsjett for 2006 inneheld styrking for ei rekkje kulturinstitusjonar i Hordaland. Det er gledeleg at løyvingane til museumssektoren vert auka med 9 mill. kr, at Lyngheisenteret i Lindås får 1 mill. kr og at Bergen Filha

Fylkesordførar Nyborg seier at med tildeling av 9 mill. kr meir til musea i fylket, vil prosessen med konsolideringa av musea vil verta ført eit godt steg vidare.
Auken fordeler seg på seks museum.
2,5 mill. kr går til det nyoppretta Museum for Visuell Kunst og Musikk som er ei konsolidering av fleire museum, blant anna Bergen Kunstmuseum og Vestlandske Kunstindustrimuseum. Vidare Bymuseet i Bergen (2 mill. kr), Museum Vest (2 mill. kr), Hardanger Museum (1,5 mill. kr) og Vestlandsmuseet (0,5 mill. kr). Sunnhordland Museum (0,5 mill. kr).

Lyngheisenteret

Den føreslegne løyvinga på 1 mill. kr til Lyngheisenteret på Lygra i Lindås, over Miljøverndepartementet sitt budsjett, vil gjera det mogeleg å setja i stand og vedlikehalda senteret. Løyvinga vil gje eit betre grunnlag for vidare drift av senteret innanfor ei konsolidert museumseining, seier fylkesordførar Torill Selsvold Nyborg.

Satsar på utdanning
Fylkesordføraren seier at statsbudsjettet også på andre felt inneheld ei rekkje positive tiltak for Hordaland, m.a. innan samferdsel og utdanning. I styrkinga av budsjettet til Universitet i Bergen ligg det inne midlar til 37 nye doktorgradstillinar, og vidare er også løyvingane til NHH og Høgskolen i Bergen styrkte. Alt viktige satsingar for framtida, seier fylkesordførar Selsvold Nyborg.

Fylkesøkonomien
For fylkesøkonomien generelt er førsteinntrykket at det som vert føreslege i statsbudsjett, tyder på at budsjettutkastet fylkesrådmannen la fram 4. oktober ligg nær opp til det regjeringa no legg til grunn for fylkeskommunane.