Hordaland fylkesutval rår samrøystes fylkestinget til å godkjenna at prosjekt E134 Rullestadjuvet vert utvida til også å omfatta den 1,5 km lange strekninga forbi Vintertun og fram til Vassvikkrysset. Det er ein føresetnad at den samla kostnaden for det u
Fylkesutvalet legg til grunn same bompengeopplegg som i dag på det utvida bompengeprosjektet.
Vegprosjektet E134 Rullestadjuvet går frå Rullestadvatnet vest til Vintertun ved grensa Etne/Odda. Strekninga som skal finansierast med 50% bompengar, er 7,5 km lang og kostnadsrekna til 290 mill. 2002-kr. Dette talet er seinare oppjustert til 317 mill. 2004-kr. Bompengeinnkrevjinga starta 17. desember 2001 med ein forventa bompengeperiode på 14 år.
I ettertid syner det seg at renteutgiftene på prosjektet er vesentleg lågare enn tidlegare lagt til grunn. Bompengeperioden vil såleis verta kortare enn 14 år, truleg om lag 12 år.
I samband med anbodsinnhenting viser det seg at det opphavelege prosjektet (Rullestadvatnet – Vintertun) kan gjennomførast med ei innsparing på 48 mill kr. Ei utviding av prosjektet med 1,5 km forbi Vintertun fram til Vassvikvatnet (som også ligg innafor godkjent reguleringsplan) kan gjennomførast innanfor ramma på 317 mill. kr, heiter det i saksutgreiinga.
Stanley Hauge