Tyske Albatross med kapasitet til 700 passasjerar skal koma til Eidfjord søndag. Om lag 30 cruiseskip skal koma til Eidfjord i sommar. 28. juli skal verdas største cruiseskip «Queen Mary 2» inn Hardangerfjorden, men det er enno usikkert om skipet skal leggja til kai i Eidfjord.
Av dei 21,5 mill. kr fylkestinget i Hordaland har stilt til disposisjon for strategisk viktige prosjekt for regional utvikling 2004-06, er over halvparten tildelt prosjektet i Eidfjord. Løyvinga på 11 mill. kr vert betalt ut med 2,5 mill. kr i 2004 og 4,25 mill. kr kvart av åra 2005-06.
«Stor helg Hardanger rundt»
Hardanger kjem til å få stor merksemd før og i pinsehelga. Stikkord er opning av Folgefonna nasjonalpark, Tyssedal kraftanlegg, Hardanger Musikkfest og Cruisehamn i Eidsfjord.
Folgefonna nasjonalpark
Det vert opning av Folgefonna nasjonalpark laurdag 14. mai kl. 11.45 ved H. M. Dronning Sonja. Opninga finn stad ved nordenden av Bondhusvatnet. Også miljøvernminister Knut Arild Hareide og kultur- og kyrkjeminister Valgerd Svarstad Haugland vil vera til stades. Frå fylkeskommunen deltek fylkesvaraordførar Tom-Christer Nilsen.
Tyssedal kraftanlegg
Etter fem års arbeid er Tysso 1 kraftstasjon ferdig restaurert. Laurdag 14. mai står statsminister Kjell Magne Bondevik for opninga kl. 10.00.
Hardanger musikkfest
Fredag 13. mai vert det kongeleg opning av Hardanger musikkfest. H. M. Dronning Sonja opnar årets musikkfest i Hardangerhallen, Hotel Ullensvang, kl. 17.30.
Stanley Hauge