Nordhordlandsbrua har fått ny rekord i tal passerande køyretøy på eitt døgn. Fredag 13. mai passerte 16.526 køyretøy over brua. Den gamle rekorden på 14.490 køyretøy var frå 28. mai 2004. Begge dagar var fredag før pinse.
Tala for april og mai viser god auke i trafikken. I mai månad var trafikken 321.123 passeringar. Dette utgjer 10.359 i gjennomsnitt pr. døgn. I høve til same månad i fjor er auken på 3,8 prosent.
I april månad var trafikkveksten endå større, 4,5 prosent. I alt passerte 296.237 køyretøy over brua, eller 9.875 pr. døgn i gjennomsnitt.
I dei fem første månadene i år er trafikkveksten på 4,7 prosent. Sidan brua vart opna i 1994 har vel 31 millionar køyretøy passert over den.
Bjarte Brask Eriksen