Hordaland i tal er ein ny publikasjon med statistikk om utviklinga i Hordaland. Mange av tabellane viser tal for kvar kommune i fylket, men vi løftar også blikket opp til nasjonalt og europeisk nivå.
I den første utgåva er det lagt vekt på grunnleggande befolkningsstatistikk. Det går mellom anna fram av statistikken at det er heile fire hordalandskommunar mellom dei mestveksande kommunane i landet dei siste fem åra. Askøy har hatt den aller største veksten i Hordaland dei siste åra, medan veksten tidlegare var størst i Fjell.
Samstundes har 15 kommunar i fylket hatt nedgang i folketalet dei siste fem åra, 7 av desse ligg i Hardanger.
Hordaland i tal nr. 1/ 2005 kan åpnast i pdf-format frå denne nettsida:
www.hordaland.no/ru/aud/statistikk/Hit/
Hordaland i tal vert utarbeidd to gongar i året av Arbeidslaget for analyse og utgreiing. Neste utgåve vil kome hausten 2005, og vil ha hovudvekt på statistikk og næringsstruktur.
Ronny Strand