Glad for at direktoratet tek fylkeskommunen på alvor

- Vi er glade for at Utdanningsdirektoratet har teke omsyn til innvendingane våre og redusert tal elevplassar ved den private vidaregåande skulen John Bauer, men vi ønskjer skulen velkommen til Bergen, seier fylkesordførar Torill Selsvold Nyborg.

Utdanningsdirektoratet har godkjent at John Bauer Bergen AS får etablere seg med 120 elevplassar i Bergen. Skulen søkte om å få starte med heile 525 elevplassar.

- Det er bra at direktoratet tek omsyn til fylkeskommunen i høve til storleik på skulen. Vi skal sikre gode og allsidige vidaregåande skular i Hordaland og ha eit godt samarbeid med dei frittståande skulane, seier fylkesordførar Torill Selsvold Nyborg.

Pressemelding frå Utdanningsdirektoratet om godkjenning av John Bauer Bergen AS og sju andre private vidaregåande skular