Eit nytt næringsbarometer skal gi bilete av tilstand, utfordringar og forventa utvikling i ulike deler av næringslivet i Hordaland og Sogn og Fjordane. Barometeret blir lansert i Bergen 18. januar.
Det nye Næringsbarometeret for Hordaland og Sogn og Fjordane vert lagt fram hos Bergen Næringsråd (Grand selskapslokaler)tirsdag 18. januar kl. 1115-1300. Det vil også vere lokale presentasjonar på Straume, Alver, Stord, Norheimsund og Tyssedal seinare same dag /dagen etter.
Meir informasjon om barometeret og om presentasjonane, samt påmeldingsinformasjon:
www.hordaland-f.kommune.no/ru/naringsbarometeret/
Mellom anna på grunnlag av data frå ei spørjeundersøking til ei rekkje bedrifter, gir Næringsbarometeret eit bilete av tilstand, utfordringar og forventa utvikling i ulike deler av næringslivet i dei to fylka.
Barometeret er eit samarbeid mellom Sparebanken Vest, NHO, Innovasjon Norge, Aetat og fylkeskommunane i begge fylke. Det vil verte utgjeve to gongar i året, i januar og i juni.
Hordaland fylkesutval har løyvd inntil 262.260 kroner til deltaking i arbeidet med Næringsbarometeret for 2005.
Ronny Strand