Mindretalet (Høgre og Fremskrittspartiet) gjekk inn for at skulen skal få godkjenning. Fleirtalet var samansett av Arbeidarpartiet, Kristeleg Folkeparti, Senterpartiet, Sosialistisk Venstreparti og Venstre.
Med 13 mot to (SV) røyster vedtok fylkesutvalet å oppmoda om at dei private skulane vil prioritere å opprette yrkesfag i framtida.
Den svenske John Bauer-gruppa er den største private kjeda innan vidaregåande opplæring i Norden. Dei har søkt om å få opprette skule i Bergen for 175 elevar neste skuleår, med vekst til 350 elevar skuleåret 2006-2007 og 525 elevar skuleåret 2007-2008.
Skulen ønskjer å gje tilbod innan allmennfag, drama, internasjonal linje og media og kommunikasjon.
I perioden 2003 til 2012 vil talet på 16-18 åringar auke med om lag 2 300 i Bergensområdet. Fylkesrådmannen reknar med at om lag 50 % av dei nye elevplassane vert oppretta i allmennfag (studiespesialiserande utdanningsprogram). Av 1230 elevplassar ved dei nye fylkeskommune vidaregåande skulane i Olsvik og på Sørås vil det verta ca. 780 nye plassar i allmennfag.
Fylkesutvalet tilrådde i 2004 at Akademiet Bergen får opprette 185 elevplassar, og at Sonans Privatgymnas får oppretta 340 elevplassar innan allmenne fag som inngår i studiespesialiserande program. Det vert difor ikkje trong for fleire elevplassar innanfor studiespesialiseande program i Bergen, heiter det i saksutgreiinga frå fylkesrådmannen.
John Bauer Bergen AS har også søkt om godkjenning av elevplassar i Bergen innan Media og kommunikasjon, som høyrer til yrkesfagleg utdanningsprogram. I Bergen er det Årstad videregående skole og Garnes videregåande skule som har slikt tilbod. Sjølv om dette er eit svært populært fag meiner fylkesrådmannen at det ikkje bør opprettast fleire elevplassar i Media og kommunikasjon i Bergen enn det som ligg i gjeldande planar.
Stanley Hauge