Hordaland fylkeskommune gjev 100 000 kroner til hjelpearbeidet etter flodbølgjekatastrofen i Søraust-Asia.
– Den store naturkatastrofen som har råka kystområda i Søraust-Asia vedkjem oss alle. Tankane våre går til dei som har mista eller saknar sine nærmaste. Det er viktig at vi alle støttar opp om det omfattande hjelpearbeidet som er i gang, seier fylkesordførar Torill Selsvold Nyborg.
I tillegg til den direkte støtta frå fylkeskommunen, er det sett i gang innsamlingsaksjonar ved vidaregåande skular og i fylkesadministrasjonen.
Stanley Hauge