Hordaland fylkesutval har fordelt 53,6 mill. kr i fylkeskommunale utviklingsmidlar for 2005. Noko av midlane er tildelt konkrete prosjekt, medan største delen er sett av til prioriterte innsatsområde for seinare konkrete tildelingar gjort av fylkeskommun
Største enkeltpotten er 28,75 mill. kr som Innovasjon Noreg Hordaland skal fordela til bedriftsretta tiltak i samsvar med prioriteringane i det regionale utviklingsprogrammet for Hordaland 2005.
Fylkeskommunen skal nytta 10,35 mill. kr til tilrettelegging for næringsutvikling. Desse midlane skal nyttast innan ei prioriterte bransjesatsingane energi, marin, maritim, reiseliv og kulturbaserte næringar. Like eins innan innovasjon, livskraftige lokalsamfunn inkludert tettstadutvikling, og til næringsretta kompetanse.
Til regionale næringsfond er det sett av 4,7 mill. kr til fordeling.
Midlane til omstilling og nyskaping er ført opp med 8,7 mill. kr og heile denne summen går til omstillingsarbeidet i Stord, Fitjar og Sveio.
500 000 kr er stilt til rådvelde for regionalt næringsforum til særskilde tiltak. 600 000 kr går til ENABLE-programmet, eit internasjonalt program som arbeider for å knyta saman bedrifter i Tyskland, Austerrike, Litauen og Noreg. Hordaland deltek saman med Sogn og Fjordane fylkeskommune.
Regionalt utviklingsprogram og statlege midlar
Regionalt Utviklingsprogram fastset prioriteringar og satsingar for fylkeskommunen sin innsats innan næringsutvikling. Programmet er også sterkt retningsgjevande for statlege etatar sin innsats for næringsutvikling i Hordaland. Dette gjeld i særleg grad for Innovasjon Norge, men også for Aetat, Fylkesmannens Landbruksavdeling, Fiskeridirektoratet region Vest og Norges forskningsråd.
Stanley Hauge