Stor suksess for Fitjar-kokkene i Italia

- Eg har aldri vore med på noko liknande, seier rektor Anna-Bodil Tislevoll ved Fitjar vidaregåande skule travelt oppteken med å servere tradisjonelle norske fiskerettar til svoltne italienarar på den store internasjonale fiskefestivalen Slow Fish i Genov

Rektor Anna-Bodil Tislevoll ved Fitjar vidaregåande skule hadde hektiske dagar med å servere 10 ulike rettar av norsk tradisjonsfisk på festivalen i Italia. (alle foto: Bjarte Brask Eriksen)

1000 italienarar
Seks kokker, pluss rektor, deltok på den tre dagar lange festivalen. Dei hadde hektiske dagar på kjøkkenet og laga middag til meir enn 1000 italienarar, i tillegg til mange smaksprøver av norsk tradisjonsfisk.

Imponert
- Hadde eg visst at det vart så hektisk, så veit eg ikkje om eg hadde reist, smiler Tislevoll som er imponert over den store interessa det er i Italia for gode norske fiskeretter.

Hovudutstillar
Den norske delegasjonen var invitert som hovudutstillar og var tildelt ei eiga øy på 100 kvadratmeter midt i festivalområdet. Der var det restaurant med servering av 10 ulike norske tradisjonsrettar, basert på mellom anna tørrfisk, klippfisk, røykjesild og laks.

Norsk mat på italiensk vis
Jan Aksnes, ein av dei seks kokkene ved Fitjar vidaregåande skule, fortel at menyane var godt planlagde.

- Vi dreiv restauranten på ferja Skånevik under Tørrfiskfestivalen i Bergen i sommar.

Italiensk riksdekkande fjernsyn overførte frå kokinga av vikingsuppe. Kokker er Jan Aksnes og Astrid Riddervold i vikingkostyme.

Fylkesordførar Torill Selsvold Nyborg skrella potetar for svoltne italienarar på restauranten i Genova.

Der prøvde vi ut ulike fiskeretter og tilpassa dei til den italienske gane etter tilbakemeldingane vi fekk. Elevane våre har vore med oss, side om side og prøvd ut rettene. Vi har mellom anna hatt to restaurantkveldar på skulen for å smake og bli kjend med maten. Rettene vi serverer her er difor norske tradisjonelle fiskeretter slik italienarane vil ha dei, seier Aksnes.

Vikingmat
Mat som vikingane lagde vart brukt for å skape ekstra blest om Noreg. Vikingpizza og vikingsuppe stod mellom anna på menyen. Astri Riddervold, den norske dronninga av god matkultur, og Jan Aksnes, begge utkledde som vikingar delte ut suppe og pizza. Dette stuntet var så populært at det og kom som innslag i dei riksdekkande nyhende på italiensk fjernsyn i beste sendetid laurdag kveld.

Travle dagar på kjøkkenet i Italia hadde dei fem kokkene frå Fitjar: Astrid Bukkøy (f.v.), Margareth Tislevoll, Solveig Thomassen, Sigmund Hopperstad og Liv Karin Karlsen.