Hordaland 2006
er stikkordet og den raude tråden i programmet på nyårsmøtet som vert halde på Radisson SAS Hotell Norge i Bergen. Programmet er tettpakka frå kl. 10.00 til kl. 16.00. Møteleiar er fylkesvaraordførar Tom-Christer Nilsen.
Sett frå Hordaland
«Utfordringar for Hordaland i 2006 – som vi må jobba saman om» er tittelen på fylkesordførar Torill Selsvold Nyborg sitt opningsføredrag.
Regiondirektør Tom Knudsen i NHO Hordaland tek opp «Næringspolitiske utfordingar – sett frå Hordaland».
Sett frå Stortinget
Stortingsrepresentant Olav Akselsen kjem med synspunkt frå Hordalandsbenken i Stortinget· «Kva er dei viktigaste politiske oppgåvene for Hordaland som kjem på dagsorden i 2006?»
Marine næringar
«Kva skjer i marine næringar i året som kjem?» er tittelen på innlegget til adm. dir. Marit Solberg i Marine Harvest.
Forsvarsministeren
Forsvarsminister Anne- Grete Strøm-Erichsen skal ta for seg temaet «Forsvaret – også viktig for regional utvikling».
Samferdsel
«Blir det nokon gong nok vegar, bruer og tunnelar i Hordaland» er tittelen på satssekretær Steinulf Tungesvik i Samferdselsdepartementet sitt føredrag. Han skal fortelja om regjeringa sine ambisjonar for aktuelle samferdselssaker i Hordaland.
Buekorpsbevegelse?
«Innovasjon i vår region – buekorpsvegselse eller nye arbeidsplassar» har styreleiar Jan Einar Greve i Sarsia Innovasjon AS kalla sitt innlegg.
Ord til ettertanke….
Som avslutning på dagen vert det «Ord til ettertanke …» ved professor Victor Norman som skal snakka om «Verdiskaping – mykje meir enn dei fleste trur…»
Deltakarar
På deltakarlista står stortingsrepresentantane frå Hordaland, medlemene i Hordaland fylkesutval, leiarar ved utdannings- og forskingsinstitusjonar i Hordaland, statlege kontor i fylket, organisasjonar og større verksemder, og fylkesadministrasjonen.