Hordaland må ta på seg pådrivarrolle

- Den nye regjeringa har sett fart i arbeidet med ei regionreform. Det er bra! Men eg er mindre glad for at Vestlandsrådet ikkje synest å ville bli nokon pådrivar for dette arbeidet. Vestlandsrådet sitt vedtak frå 18. november viser lite entusiasme for ar

No har me sjansen
Fylkesordføraren meiner det er viktig at Hordaland fylkeskommune no er med og påverkar regjeringa sitt arbeid med den store regionreforma.
- Det er no me har sjansen til å vere med og påverke innhaldet, oppgåvefordelinga og regioninndelinga. Eg trur ikkje det vidare arbeidet vil bli prega av nye utgreiingar og omstendelege høyringsrundar der me blir spurt til råds. Skal me påverke må me agere og la høyre frå oss inn mot dei sentrale prosessane.

Berre fire år til
Det er planlagt ei stortingsmelding alt til våren. Denne skal særleg drøfte prinsippa som skal gjelde for

overføring av oppgåver til dei nye regionane.
- Truleg vil den også drøfte prinsipp for inndeling i nye regionar. Våren 2008 kjem truleg proposisjonen som skal leggjast til grunn for vedtak i Stortinget om nye regionar. Og dei nye regionane skal vere i arbeid frå 1.1.2010. Det er faktisk berre fire år til!

Markere våre interesser
Fylkesordføraren sa vidare at me førebels veit lite om innhaldet i denne reforma sjølv om regjeringa har plikta seg til å gjennomføre ei regionreform,.
- Kva oppgåver får dei nye regionane, og kor store regionar blir det? Kva regjeringa tenkjer om dette veit me ikkje. Derfor er det så viktig å markere våre interesser og forslag no. Ikkje minst må me jobbe for å sikre omfattande overføring av oppgåver frå sentralstaten til dei nye regionane. Sjølv er eg komen med i ei arbeidsgruppe som skal gi innspel til KS sitt arbeid overfor regjeringa i denne saka. Dei tre andre i gruppa er fylkesrådsleiar Geir Knutson frå Nordland, fylkesordførar Gunn Marit Helgesen frå Telemark og fylkesordførar Nils R Sandal frå Sogn og Fjordane. Kjære fylkesting! Regionreforma kjem. Det er opp til oss om me skal ha innflytelse på innhaldet i den. Me kan ikkje stille oss på sidelina no. Fråsegnene frå Hordaland viser at det blir forventa at me skal handle! sa fylkesordførar Torill Selsvold Nyborg.

Les heile talen til fylkesordførar Torill Selsvold Nyborg under opninga av Hordaland fylkesting tysdag 13. desember 2005

Les talen til fylkesrådmann Paul M. Nilsen under opninga av Hordaland fylkesting