Hordaland fylkesutval har samrøystes løyvd 800 000 kr i tilskot til Ulvik herad til arbeidet med forprosjekt om Ulvik Fjordtun rehabiliteringssenter. Midlane vert løyvd under føresetnad av at Ulvik Fjordtun rehabiliteringssenter inngår ei intensjonsavtale
Ulvik herad har i lengre tid arbeidd med å få ein opptreningsinstitusjon lokalisert i heradet. Bakgrunnen for at dette no er meir aktuelt att, er at Helse Vest RHF får overført finansieringsansvaret for opptreningsinstitusjonar. Det er lagt opp til at ein anbodsprosess der Helse Vest RHF vil inngå avtale med 2-4 nye opptreningsinstitusjonar. Anbodsgrunnlaget vert truleg utlyst i løpet av hausten med frist januar 2006.
Det blir arbeidd med planar for opptreningsinstitusjonar fleire stader både i Hordaland og elles på Vestlandet.
Positive verknader
I saksutgreiinga seier fylkesrådmannen at når det vert rådd til støtte til forprosjektet for Ulvik Fjordtun rehabiliteringssenter, er det ut i frå at prosjektet vil kunne ha store positive verknader for vekst og sysselsetting i denne delen av fylket.
Fylkesrådmannen peikar på at strukturen når det gjeld opptreningsinstitusjonar venteleg vil verta lagt for lang framtid gjennom den prosessen som no blir kjørt i regi av Helse Vest RHF.
Oversendingsforslag
Følgjande forslag sett fram av Gisle Handeland (Ap) vert sendt over til fylkesrådmannen utan realitetshandsaming: «1. Fylkesutvalet viser til at søknad frå Hagahaugen, Voss, og ber om å få sak om dette. 2. Fylkesutvalet vil peika på tidlegare vedtak om Sævarhagen, Stord, og legg til grunn at også dette prosjektet vil vera i posisjon for fylkeskommunal løyving.»
Pressemelding frå fylkesutvalet 25.8. 2005.