Under fylkeskulturkonferansen for Hordaland i Ulvik 14. oktober vart prisen som «årets kulturkommune» tildelt Radøy kommune. Fylkeskultursjef Ingebjørg E. Astrup stod for overrekkinga av prisen.
På biletet ordførar i Radøy, Olav Steinar Namtvedt, fylkeskultursjef Ingebjørg
Astrup og kulturkonsulent i Radøy, Rune Rydland.
I grunngjevinga for tildelinga heiter det at Radøy kan syna til stor breidde og gode resultat i kulturengasjementet sitt. Kommunen har som mål å ta vare på den kulturelle bakgrunnen sin og vidareutvikla kulturarbeidet i kommunen. Gjennom kystsogeveker, kulturdagar, musikk- og kulturskule, biblioteket og små og store tilskipingar vert kulturen levandegjort. Det er lagt ned mykje frivillig arbeid frå eit allsidig organisasjonsliv. I ei tid med stramt kommunebudsjett har Radøy kommune likevel makta å setja av midlar til både kulturfond og kulturminnefond.
Radøy har også gjort ei utradisjonelt val av tusenårsprosjekt; ein barneheim i Moldova.
Tidlegare har Kvinnerad, Sveio, Bømlo, Fusa, Bergen og Odda vorte kåra til kulturkommunar i Hordaland.
Juryen har hatt fylkesordførar Torill Selsvold Nyborg, styreleiar i KS-Hordaland Magne Rommetveit og fylkeskultursjef Ingebjørg E. Astrup, som medlemer.
Stanley Hauge