Hordaland fylkeskommune skal oppretta ein ny stor tannklinikk for Bergen sentrum i det nye odontologibygget som skal reisast på Årstadvollen i Bergen. Tannklinikk får 12 behandlingsrom med ei samla nettoareal på 300 kvm. Prislappen er 15 mill. kr. Fylke
Den fylkeskommunale tannhelsetenesta treng ein ny sentralklinikk i Bergen sentrum for å erstatta fleire mindre, lite tenlege tannklinikkar. I samband med at Universitetet i Bergen planlegg nytt odontologibygg går fylkesutvalet inn for at fylkeskommunen skal sikra seg ein seksjon i nybygget til ny klinikk. Det nye odontologibygget skal stå ferdig i 2009.
Ei samlokalisering av tannklinikken og odontologibygget vil i tillegg til ein økonomisk gevinst styrkja samarbeidet mellom Det odontologiske fakultetet og Den offentlege tannhelsetenesta og truleg lette rekrutteringa til offentlege tannlegestillingar i Hordaland, heiter det i fylkesrådmannen si saksutgreiing.
Dersom ikkje det blir løyvd midlar til nytt odontologibygg over statsbudsjett i 2006 og det framleis er uklart når bygget vil verta reist, står fylkeskommunen fri til å velja ei anna løysing for ny sentralklinikk i Bergen Sentrum.
Fylkestinget handsamar saka på møte 14.-15. desember.
Stanley Hauge