Samferdselsutvalet i Hordaland går inn for at Fjell kommune får forskottere to millionar kroner til opprusting av riksveg 555 gjennom Fjell sentrum. Tiltaket er til dels eit miljø- og dels eit trafikksikringstiltak.
Prosjektet vil koste 10 millionar kroner. Pengane skal gå til bygging av fortau og utbetring av vegbana over ei lengde på om lag ein kilometer. Samferdselsutvalet føreset at omsynet til syklistane blir ivareteke. Tidspunkt for refusjon av pengane blir fastsett blir fastset i samband med handsaminga av handlingsprogrammet til Norsk Transportplan (NTP) 2006-2015.
I tillegg til dei to millionar kronene som Fjell kommune forskotterer, skal dei resterande åtte millionane innarbeidast i budsjettrammene til Vestlandsrådet si forsøksordning på det øvrige riksvegnettet i samband med gjennomføring av prosjektet.
Saka går vidare til fylkesutvalet 24 og 25. november.
Bjarte Brask Eriksen