I eit brev til samferdselskomiteen på Stortinget, ber fylkesordføraren i Hordaland, Torill Selsvold Nyborg, om at komiteen føreslår ei løyving på 50 millionar kroner til Jonsdalstunnelen i statsbudsjettet for neste år.
I forslaget til statsbudsjett for 2005 er det ikkje avsett pengar til Jondalstunnelen. Tunnelen har ei kostnadsramme på 530 millionar kroner og er planlagt finansiert innanfor overgangsordninga med statleg tilskot til store fylkesvegprosjekt.
I brevet viser fylkesordføraren til den vedtekne finansieringsplanen som legg opp til lokal delfinansiering gjennom tilskot, kompensasjonsmidlar og bompengeinnkrevjing på 45 prosent, samt at om lag tilsvarande del blir dekka av Hordaland fylkeskommune. Den statlege medfinansieringa på 50 millionar kroner skal dekke 9,5 prosent av kostnaden.
- I tillegg til den store lokale viljen til prosjektet, samt det betydelege fylkeskommunale løftet, er vi også heilt avhengig av at den statlege medfinansieringa no kjem på plass. Det er å håpe at denne føresetnaden om statleg medfinansiering vil medvirke til ei vidareføring og realisering av prosjektet, skriv fylkesordføraren i brevet.
Ved ei tildeling av statlege midlar til prosjektet i statsbudsjettet for 2005, skriv fylkesordføraren at fylkeskommunen vil arbeide for at det vert lagt fram ein bompengesøknad for Jondalstunnelen for Stortinget i løpet av vårsesjonen 2005.
Les brevet fylkesordføraren sendte til samferdselskomiteen
Bjarte Brask Eriksen