8 mill. kr i avgiftskompensasjon til næringstiltak

Dei knapt 8 mill. kr som no er tildelt, er av potten som er sett av til bransjeretta tiltak. Her i fylket skal desse midlane nyttast til satsingar innan bransjane reiseliv, marin sektor og olje og gass.

Storleiken på midlane KRD tildeler er rekna ut etter tapet som næringslivet i fylket får pga. av endringane i ordningane med differensiert arbeidsgjevaravgift.

Korleis midlane skal brukast i Hordaland er kome fram etter ein brei regional prosess i samarbeid mellom fylkeskommunen, aktuelle kommunar og NHO. Forvaltinga av midlane ligg hos Hordaland fylkeskommune med Regionalt Næringsforum som styringsgruppe.

Midlane skal nyttast til infrastruktur, kompetanseheving og bransjetiltak (reiseliv, marin og olje/gass) – hovudsakleg i Hardanger, Sunnhordland og Nordhordland.

Dei 40 mill. kr som KRD tildelte i juli i år er tidlegare fordelte til lokale satsingar med 20,8 mill. kr til Sunnhordland, 17,2 mill. kr til Hardanger og 2 mill. kr til Nordhordland/Osterfjorden.

Plan for næringsretta utviklingstiltak i Hordaland 2004 (word)

Bransjetiltak i plan for næringsretta utviklingstiltak i Hordaland 2004 (word)

Brev frå kommunalminister Erna Solberg om godkjenning av plan for næringsretta utviklingstiltak i Hordaland 2004 (pdf)

Brev frå kommunalminister Erna Solberg om godkjenning av Bransjetiltak i plan for næringsretta utviklingstiltak i Hordaland 2004 (pdf)

Stanley Hauge