Kultur- og ressursutvalet i Hordaland har løyvt 55.000 kroner til regionale kulturvernføremål i haust. Mellom anna får Rallarmuseet på Finse og Stiftelsen Baadehuset på Espevær 15.000 kroner kvar.
Rallarmuseet skal bruke pengane til å gjere ferdig byggesteg 4, dokumentasjonssenter for Bergensbana. Baadehuset i Espevær skal bruke pengane til antikvarisk vedlikehald av huset som var eit administrativt sentrum under
sildefisket kring midten av 1800-talet.
Dei andre som får pengar er: Cand. philol. Chr. Knagenhjelm, 5000 kroner til arkeologisk
prosjekt, Brynjar Stautland, 10.000 kroner til registrering av gamle filmrullar, Anne Margrete
Konow Lund, 5000 kroner til bok om restaureringa av det freda lysthuset ”Sophiesminde" i
Bergen og Vestnorsk Kulturakademi på Voss, 5000 kroner til hefte om grindbygging.
Askøy kulturvern og historielag, Stiftelsen Tellevik kystfort og Bergens Sjøfartsmuseum fekk avslag på søknadene sine.
Eli Lothe