Vi er skuffa over at Hardangerbrua ikkje er komen med i Nasjonal transportplan 2006-2015 (St. meld. nr. 24 (2003-04)). Brua er eit så godt og viktig prosjekt at den absolutt høyrer heime på den førande langtidsplanen for samferdselsutbygging i Noreg. I Ho
Godt og viktig prosjekt
Hardangerbrua er eit godt og viktig prosjekt for sambandet vest-aust. Og det same for sambandet mellom store deler av Hordaland og Sør-Austlandet og Sørlandet (nord-sør-sambandet). Like eins er Hardangerbrua viktig for å gje indre delar av Hordaland ny vekst gjennom betre kommunikasjonar.
Det må også leggjast stor vekt på at kommunane og innbyggjarane i området som soknar til brua, og andre brukarar, er villege til å betala for å få bygd Hardangerbrua fordi dei ser dette som eit prosjekt dei vil få stor nytte av, seier fylkesvaraordførar Nilsen.
Lokal innsats
Han trekkjer fram at finansieringa av brua i stor grad skal skje ved lokal innsats i form av tilskot frå kommunar, Hordaland fylkeskommune (konsesjonskraftmidlar) og bompengebetaling. Statlege tilskot vil vera relativt beskjedne.
Fylkesutvalet skal tysdag 16. mars handsama konsekvensutgreiinga for Hardangerbrua. Det vert starten på fornya innsats for å få brua med i Nasjonal transportplan 2006-15, seier fylkesvaraordførar Tom-Christer Nilsen.
Stanley Hauge