Hordaland fylkesutval har godkjent at fylkeskommunen skal fornya samarbeidsavtalen med Kaunas by i Litauen. Den noverande avtalen vart inngått i august 1998. Den nye avtalen skal underteiknast i Kaunas 20. mai.
Den nye avtalen seier at Kaunas by og Hordaland fylkeskommune skal samarbeida om regional utvikling innanfor felta næring og nyskaping, opplæring, kultur og idrett. Samarbeidet skal leggja særleg vekt på ungdomsarbeid.
Dei to partane kan gjennom samarbeid med institusjonar, organisasjonar og andre medverka til regional utvikling også på andre felt. Ut frå samarbeidsavtalen er det planen å utarbeida samarbeidsprogram på dei ulike fagfelta innanfor avtalen.
Stanley Hauge