Fleirtalet i samferdselsutvalet i Hordaland er positiv til at Turservice AS saman med Bergen Limousinservice AS får opprette drosjesentral med 25 nye ordinære drosjeløyve i Bergensområdet.
Fleirtalet på sju (H, Frp og KrF) går inn for å gje konsesjon, mens mindretalet på seks (A, Sp, SV og RV) gjekk i mot.
Det blir stilt følgjande krav til den nye drosjesentralen:
Turservice AS in solidum med Bergen Limousinservice AS får konsesjon til å drive drosjeformidling i kommunane Askøy, Bergen, Fjell og Sund når namnet på sentralen og regelverket rundt sentralen er godkjent av fylkeskommunen og når sentralen har levert og fått godkjent følgjande dokumentasjon:
· firmaattest
· vedtekter
· nærare utgreiing om kva kommunikasjonssystem sentralen skal ha
Det blir oppretta 25 nye ordinære drosjeløyve i Bergensområdet. På 10 av løyva skal bil registrert på løyve kunne transportere 10 – 17 personar samstundes som bilen skal oppfylle vilkåra i bilag 3 til Kjøretøyforskrifta. På dei 15 andre løyva skal det registrerast bil med plass til inntil 9 personar. 10 av desse løyva skal tildelast innan 1. august 2004, medan dei resterande 15 løyva skal tildelast innan 1. oktober 2004.
Det blir sett krav om at det skal installerast registrerande taksameter i dei nye drosjeløyva.
Dei 25 nye løyva kan tildelast den nye sentralen.
Fylkesrådmannen får fullmakt til å godkjenne organiseringa av og vedtektene for sentralen.
Saka blir avgjort av fylkesutvalet 24. juni.
Bjarte Brask Eriksen