Oster
Dampskipet D/S ”Oster”, bygd i 1913, får 60.000 kroner. Målet er å ferdigrestaurere båten til neste sommar. Dette vil koste 1,2 millionar kroner. Arbeid som står att er i hovudsak innreiing av førsteplass-salong og to lugarar i akterskipet, ein andreplass-salong og fire lugarar i forskipet, etterklinking på hovuddekket sin ytterskott og mindre omfattande innreiingsarbeid på hovuddekket.
Skånevik
Ferja M/F ”Skånevik” er tildelt 300.000 kroner. Arbeidet som må gjerast i år er knytt til reingjering, kostnader til dokking, materialvern, rednings- og verneutstyr, navigasjonsutstyr, vedlikehald av motor, transmisjon, og elektroarbeid. Total kostnadssum er kr 660.000.
Brørviksskuto
Stiftinga Brørviksskuto får 60.000 kroner. Brørviksskuto var ein av mange som gjekk på Osterfjorden i gamle dagar. Det er bygt ein kopi av denne, og pengane skal gå til vedlikehald og til å drive skuta.
Granvin
MS ”Granvin”, bygd i 1931, får 250.000 kroner. Pengane skal gå til reparasjon og restaurering av båten på verft i Fitjar. Det må gjerast omfattande arbeid på fartøyet i år. Dette er reparasjonar på skroget etter krav frå Skipskontrollen. Total kostnad er ein million kroner.
Linholm
MK “Linholm” får 50.000 kroner. Det er ein Hardangerkuttar frå 1920, eitt av få gjenverande fartøy i sitt slag. Mellom tiltaka som må gjerast er skifting av rorhylse, nye rekkestøtter, skifting av hudplank, samt noka garnering. Skroget må også oppdrivast, og el.anlegget må utbetrast.
Stord
DS ”Stord” får 60.000 kroner til utrustning og innreiing av fartøyet. Innreiinga skal følgja antikvariske prinsipp og kvalitet. Arbeidet vil bli utført av Hardanger Fartøyvernsenter.
Seglmaking
Eit kurs i tradisjonell seglmaking får 10.000 kroner. MF Maarfjell får ikkje pengar. Dette er ei av dei eldste gjenverande ferjene, bygd i Åkrafjorden i 1905. Det vil koste 3,2 millionar å restaurere ferja. Årsaka til avslaget er mangel på alternative finansieringskjelder og eit samla opplegg for korleis arbeidet kan gjennomførast.
Bjarte Brask Eriksen