Hordaland fylkesutval har fordelt ca. 4,3 mill. kr til regionale næringsfond. Største einskildsummen er 1,5 mill. kr til Sunnhordland. Av denne summen er det føresett at 0,5 mill. kr skal gå som tilskot til fleirbrukshall i Tysnes.
Hardanger får 1,4 mill. kr og resten er fordelt slik: Nordhordland 458 600 kr, Osterfjorden 458 600 kr, Bjørnefjorden 258 600 kr og Voss 258 600 kr.
Midlane som vert tilført dei regionale næringsfonda skal medverke til å løysa ut verdiskapingspotensialet i distriktsregionane i fylket. Midlane skal nyttast i tråd med mål og strategiar i fylkesplanen og Regionalt Utviklingsprogram.
Stanley Hauge