Hordaland fylkeskommune har no lyst ut snøggbåtruta Askøy-Bergen på anbod. Fristen til å koma med anbod er 15. september i år, og overgangen til anbodsdrift i sambandet er sett til 1. april 2005.
Anbodsperiode
For ruta Askøy-Bergen ber fylkeskommunen om anbod for perioden 1. april 2005 – 31. desember 2009, med opsjon på lenging av avtalen i fem år fram til 31. desember 2014.
Rutetider og takstar
Anbodet byggjer på ei vidareføring av dagens rutetilbod. Ruta skal følgja same takstregulativ som bussrutene i fylket, slik fylkeskommunen fastset. Fylkeskommunen stiller som krav at operatøren som får tilslaget skal ha eller etablera ei sjølvstendig juridisk eining i Noreg innan 1. mars 2005. Anbod og rapportering til fylkeskommunen skal skje på norsk.
Fylkeskommunen sitt krav i anbodsinnbydinga er at operatøren som eit minimum skal tilby følgjande rutetilbod:
· Avgangar på kvardagar og laurdagar
· Stive rutetider som korresponderer med bussavgangar til/frå Kleppestø og Nøstet
· Frekvens: 2 avgangar per time i kvar retning
· Opningstid:
– Kvardagar: Første avgang (frå Kleppestø) kl. 06:00 – siste framkomst (til Kleppestø) kl. 18:00.
– Laurdagar: Første avgang (frå Kleppestø) kl. 08:30 – siste framkomst (til Kleppestø) kl. 15:30.
Stanley Hauge