Finansbyråd Henning Warloe, Bergen kommune, held innlegg om «Hvorfor Bergen trenger Hordaland». Teatersjef Vera Wexelsen, Hordaland teater, tek opp «Kultur – ein føresetnad for verdiskaping i framtidas Hordaland?» Dekan Harry Herstad ved Høgskulen Stord-Haugesund sitt innlegg har tittelen: « Kompetanse – ein ressurs for framtidas Hordaland.» Entreprenør Ivar Ådlandsvik held innlegg om «Hvilke fortrinn har Hordaland for næringsutvikling i framtida?»
Prosess
Fylkesplankonferansen er ein del av prosessen på veg mot fylkesplanen for Hordaland 2005-2008 som fylkestinget skal vedta i desember i år. Prosjektleiar Gudrun Mathisen vil på konferansen orientera om arbeidet med planen. Til konferansen er representantar for kommunar, statleg organ, næringsliv og organisasjonar inviterte i tillegg til fylkeskommunale representantar.
Føremål
Føremålet med fylkesplanen er å gje mål for utviklinga i Hordaland, gje retning til det regionalpolitiske arbeidet og koordinera arbeidet til dei offentlege aktørane på fylkesnivå. Fylkesplanen skal vera retningsgjevande for regionalt utviklingsprogram (RUP), som styrer bruken av dei regionalpolitiske verkemidla i Hordaland. Fylkesplanen skal gjelde Hordaland, og er ikkje avgrensa til dei fylkeskommunale tenesteområda.
Høyringsutkast
Det skal utarbeidast eit høyringsutkast som skal sendast på høyring i løpet av juni.
Arbeidet med høyringsutkastet vil skje utover våren. Det er ynskjeleg å få innspel til dette arbeidet frå kommunar, statlege etatar, næringsliv og andre som vert berørte av fylkesplanen, eller som har interesser i denne. For å få i stand ein god dialog med mange samarbeidspartnarar på kort tid har fylkeskommunen valt fylgjande opplegg:
– Fylkesplankonferanse med idedugnad torsdag 19. februar.
– Etablering av ein nettstad der det vert mogleg å levere innspel i det vidare arbeidet med planen, og etter kvart å leggje inn merknader i høyringsrunden.
Utfordringsdokument
Som grunnlag for arbeidet er det utarbeidd eit utfordringsdokument. Dokumentet som er eitt av utgangspunkta for arbeidet på fylkesplankonferansen, kan lastast ned frå:
www.hordaland.no/ru/aud/tema/utfordringar/default.htm.
Program:
Fylkesplankonferansen 2004 – program
Torsdag 19. februar kl. 09.30 – 15.30
Scandic Hotel Bergen City, Håkonsgaten
09.30 – 10.00 Registrering, kaffi
10.00 – 10.10 Fylkesvaraordførar Tom-Christer Nilsen
Opning - Velkommen
Ein visjon for fylket - forventningar til fylkesplanen
10.10 – 10.20 Prosjektleiar Gudrun Mathisen: Orientering om arbeidet med fylkesplanen.
10.15 – 10.30 Finansbyråd Henning Warloe, Bergen kommune:
Hvorfor Bergen trenger Hordaland
10..30 – 10.45 Teatersjef Vera Wexelsen, Hordaland teater:
Kultur – ein føresetnad for verdiskaping i framtidas Hordaland?
10.45 – 11.00 pause
11.00 – 11.15 Dekan Harry Herstad, Høgskolen Stord-Haugesund:
Kompetanse – ein ressurs for framtidas Hordaland
11.15.– 11.30 Ivar Ådlandsvik, Entreprenør1:
Hvilke fortrinn har Hordaland for næringsutvikling i framtida?
11.30 – 11.45 Kommentarar til innlegga
11.45 – 12.45 Lunsj
12.45 – 13.00 Orientering om nettstad for fylkesplanen
13.00 – 14.30 Gruppediskusjonar: Gruppene vert tildelt aktuelle tema i fylkesplanen
og bedne om å kome med framlegg til mål i tilknytning til desse.
14.30 – 15.30 Rapportering i plenum og korte synspunkt frå salen.
15.30 Avslutning v/ prosjektleiar Gudrun Mathisen.
Stanley Hauge