Eit samrøystes fylkeutval konstaterer at Bergen kommune meiner at etableringa av bybana ikkje representerer nokon risiko for at tilskotet til kollektivtrafikken i Bergen må aukast, heiter det i innstillinga til fylkestinget.
Utvalet har registrert at fleire fagmiljø som har vurdert bybaneprosjektet har peika på økonomiske risikofaktorar. Dette kan gje trong for auka tilskot til kollektivtrafikken i Bergen, heiter det vidare i innstillinga til fylkestinget. (Tilrådd med 8 (H, FrP, KrF) mot 7 (Ap, SV, RV, Sp, V) røyster.)
Fylkesutvalet rår fylkestinget til å vedta at «Fylkeskommunen sitt økonomiske ansvar for kollektivtrafikken i Bergen, herunder bybana, må avgrensast til tilbakeført tilskot i samband med eventuell tilbakeføring av forvaltningsansvaret for kollektivtrafikken i Bergen.» (Tilrådd med 8 (H, FrP, KrF) mot 7 (Ap, SV, RV, Sp, V) røyster.)
Før saka om bybana vert lagt fram for Stortinget, må Bergen kommune klårleggja korleis eit eventuelt behov for auka tilskot til kollektivtrafikken i Bergen som fylgje av bybanedrifta skal finansierast, meiner fylkesutvalet. (Tilrådd med 8 (H, FrP, KrF) mot 7 (Ap, SV, RV, Sp, V) røyster.)
Fylkesutvalet rår fylkestinget til å understreka at det er viktig at bybana vert realisert snarast råd for å dempa bilbruken, styrka kollektivtrafikken og å skapa eit betre miljø. (Tilrådd med 9 (KrF, Ap, SV, RV, Sp, V) mot 6 (H, FrP) røyster.)
Fremskrittspartiet fremja forslag som m.a. peika på ei rekkje forhold som kan gje trong for auka tilskot til kollektivtrafikken i Bergen når bybana skal setjast i drift. Forslag fekk FrP sine tre røystrer.
Stanley Hauge