Hordaland fylkesutval rår samrøystes til at fylkestinget skal løyva 5 mill. kr til planlegging av Jondalstunnelen.
Regionvegsjefen har teke opp spørsmålet om løyving av planleggingsmidlar over fylkesvegbudsjettet. Jondalstunnelen er eit stort prosjekt som vil krevja etter måten store planleggings- og prosjekteringsmidlar. Førebels overslag frå regionvegsjefen tyder på at det vil gå med 5 mill. kr.
Midlane som er tilrådd løyvd, er kompensasjonsmidlar for auka arbeidsgjevaravgift. Kommunal- og regionaldepartementet har godkjent at slike midlar kan nyttast m.a. til Jondalstunnelen.
Fylkestinget handsamar saka 14.-15. desember.
Stanley Hauge