Fylkesutvalet i Hordaland er positiv til utviding av vintersportsanlegget i Myrkdalen. Området skal nyttast til skitrekk, løyper og varmestove, og går høgare til fjells og meir til sides enn noverande anlegg.
Fylkesutvalet uttalar at Voss kommune sitt framlegg til utgreiingsprogram for utviding av vintersportsanlegget Bygardslii–Ondarhaug i hovudsak er tilfredsstillande ut i frå regionale interesser, men føreset at kulturminnedelen vert utfyllande utgreidd i konsekvensutgreiinga.
Fylkesutvalet ber om at konsekvensutgreiinga tek utgangspunkt i relevante fylkesplanar/delplanar som fylkesplanen, fylkesdelplan for idrett, fysisk aktivitet og friluftsliv, kulturminneplanen, strategisk næringsplan/reiselivsplan og transportpolitiske vedtak.
Fylkesutvalet ber om at verknader for regionale friluftsområde/verdifulle landskap og inngrepsfri natur vert spesielt vurdert og visualisert også med sikte på avbøtande tiltak.
Bjarte Brask Eriksen