Fylkesordførar Torill Selsvoll Nyborg opnar Ungdommens Kulturmønstring i Hordaland fredag 23. april klokka 17.00. Arrangementet går av stabelen heile helga i Grieghallen i Bergen.
I alt skal 348 ungdommar delta i sceniske innslag. I tillegg kjem 70 utstillarar med 44 utstillingsobjekt og 14 deltakarar med fire videofilmar. Totalt skal 450 ungdommar frå 31 av dei 33 kommunane i Hordaland delta.
I dei lokale mønstringane deltok 1300 ungdommar frå 31 kommunar. Ungdommens Kulturmønstring er ikkje ein konkurranse, men ein mønstring for ungdom i Hordaland med tema ”Kultur på tvers”. Ungdommane skal vise kreativitet og skaparevne, møte andre ungdommar og få inspirasjon.
25 av deltakarane på fylkesmønstringa blir plukka ut til å representere Hordaland på landsmønstringa i Trondheim 20.-23. mai.
Fylkesmønstringa blir skipa til av Hordaland Barne- og Ungdomsråd for 11. gong på rad med støtte frå Hordaland fylkeskommune.
Meir informasjon om Ungdommens Kulturmønstring