Svein-Erik Fjeld (57) er tilsett som ny opplæringsdirektør i Hordaland fylkeskommune. Han har vore assisterande fylkesopplæringsdirektør sidan januar 1999, og har vore konstituert opplæringsdirektør sidan hausten 2002.
Fjeld er utdanna cand. philol/lektor med nordisk hovudfag, engelsk mellomfag og pedagogikk grunnfag.
I åra 1972-77 var han lærar ved Danielsen skole i Bergen. I tida 1977-88 var han lektor og hovudlærar ved Lindås gymnas. Derifrå gjekk turen til Statens vegvesen Hordaland der han var informasjonsleiar frå 1988 til 1991.
U. Pihls videregående skole vart arbeidsstaden då han i 1991 hamna i skulen att. Her var han studieinspektør inntil han i 1994 vart rektor ved Lindås gymnas der han var til han vart tilsett som ass. fylkesopplæringsdirektør.
Stanley Hauge