Hordaland fylkesutval går inn for at Gaia Trafikk får løyve til å drive ekspressbuss mellom Bergen og Oslo. Gaia vil køyre to trasear, både over Hardangervidda og Lærdalstunnelen.
Ønskjemålet til Gaia er å setje ruta i drift så fort som mogeleg. Det er planlagt to daglege rundturar med avgang frå Bergen og Oslo klokka 07.00 og 16.30 seks dagar i veka, laurdag ein tur kvar veg klokka 07.00.
Ruteselskapet reknar med at bussen vil bruke om lag åtte timar pr. tur. Prisen er sett til 310 kroner Bergen-Oslo ved tinging og betaling på internett.
Endeleg avgjerd er det samferdselsdepartementet som tek.
Stanley Hauge