Vil drøfta avvikling av ordninga med differensiert arbeidsgjevaravgift med kommunalministeren

Fylkesordførar Gisle Handeland er svært uroleg for konsekvensane av endringane i den differensierte arbeidsgjevaravgifta som regjeringa vil sette i verk frå årsskiftet. Hordaland er mellom dei fylka som blir hardt råka.

For dei verksemdene i Hordaland som ikkje får annan kompensasjon (minimumsregelen) dreier det seg om ei årleg forverring på om lag 70 millionar kroner. Eg finn dette heilt uakseptabelt, skriv Handeland i brev til kommunalminister Erna Solberg.

I brevet ber fylkesordføraren om å få møte kommunalministeren for å orientere nærare om stoda i Hordaland og drøfte avbøtande tiltak.

Nils Marton Aadland