Hordaland er fylket i landet som har flest elevar i vidaregåande skule. 91,4 prosent av alle 16-18-åringar i fylket tek vidaregåande opplæring. I alt har Hordaland 20.815 elevar i vidaregåande skular.
På biletet Årstad videregående skole som er den største vidaregåande skulen i landet med 1400 elevar og 250 tilsette.
Sør-Trøndelag på 2. plass
Tala er rekna ut av Statistisk Sentralbyrå. På 2. plass kjem Sør-Trøndelag med 90,4 prosent. Deretter følgjer Hedmark, Vest-Agder og Rogaland som og har over 90 prosent av 16-18-åringane i vidaregåande opplæring. Rogaland er det nest største fylket i tal elevar med 18.574 elevar, med Akershus rett bak.
Flest 16 åringar
Dei vidaregåande skulane i Hordaland har flest elevar som er 16 år eller yngre (5.467), litt færre 17 åringar (4.982) og endå færre 18 åringar (4.517). I aldersgruppa 19 til 24 år er talet 4.283. Tal eldre elevar viser aukande tendens i landet og i aldersgruppa 25 til 29 år har Hordaland 559 elevar, og over 30 år er talet 1007.
Les meir hos Statistisk Sentralbyrå
Bjarte Brask Eriksen