Fylkesordførar Torill Selsvold Nyborg fryktar at Forsvaret sine planar om å fjerna 5000 årsverk innan utgangen av 2005 kan innebera eit stort bortfall av stillingar frå Haakonsvern.
Fylkesordføraren har i dag sendt brev til forsvarsminister Kristin Krohn Devold, der Selsvold Nyborg gir uttrykk for at ho er uroa over forslaget.
Eit omfattande bortfall av stillingar frå Haakonsvern vil få negative konsekvensar for heile Hordaland, skriv fylkesordføraren.
Saka skal opp til handsaming i Stortinget før jul.
Fylkesordføraren ber forsvarsministeren om eit snarleg møte der departementet gir utfyllande informasjon om saka, og der fylkesordføraren gjer greie for Hordaland fylkeskommune si haldning.
Vedlegg. Brev av 16.10.03 frå fylkesordførar Torill S. Nyborg til forsvarsministeren.
Nils Marton Aadland