Årets kulturkonferanse går av stabelen 23. og 24. oktober i Rosendal. Sidan 1976 har kulturadministrasjonen i Hordaland fylkeskommune kvart år skipa til denne kulturkonferansen for Hordaland. Samlinga i år vert såleis den 28. i rekkja.
Konferansen i år handlar om "Den kulturelle skulesekken", eit viktig satsingsfelt på kulturområdet, og eit døme på at fylkeskommunen også får nye, viktige oppgåver.
Løfta blikket
På konferansen møtar vi "planleggjaren", "kulturarbeidaren" og "læraren", som gjev oss innsyn i røynsler og utfordringar i det viktige arbeidet med å formidla kunst og kultur til born og unge. Men konferansen skal og løfta blikket og gje rom for perspektiv og visjonar, til kveik og tilskunding i kulturarbeidet. Kyndige kommentarar om den nye kulturmeldinga og andre sentrale styringsdokument vert det og rom for.
”Nøring”
Om kvelden byr Fylkesmusikarane på den stemningsfulle konserten "Nøring" i den 700 år gamle høgreiste Kvinnheradskyrkja.
Påmeldingsfrist er sett til 13. oktober.
Førebels program
Påmeldingsskjema
Ronny Skaar