Fylkesordførar Torill Selsvold Nyborg hadde måndag 10. november møte med Forsvarsdepartementet i samband med St.prp. nr. 12 (2003-04) Iverksetting av fase 3 i omstillingen av Forsvarets logistikkorganisasjon (FLO).
Departementet legg i stortingsproposisjonen opp til at FLO/SJØ, FLO/LAND OG FLO/LUFT skal leggjast ned frå 31.12. 2003 og organiserast i ei ny eining, Sjef FLO, som skal liggja på Kjeller.
For oss i Hordaland er utfordringa framleis å få ha leiinga for driftseininga FLO/SJØ på Haakonsvern, seier fylkesordførar Selsvold Nyborg. I denne omgang er det 12-15 arbeidsplassar som skal flyttast. Isolert sett er ikkje det så mange, men dette er eit nytt lite stig i sentraliseringa av statlege arbeidsplassar, seier fylkesordføraren.
Møtet i Forsvarsdepartementet var med statssekretær Gunnar Heløe.
St.prp. nr. 12 skal no til handsaming i Forsvarskomiteen i Stortinget som har frist til 11. desember med å gje innstilling.
Stanley Hauge