Hordaland fylkesutval rår samrøystes til at søknaden frå Royal Turbuss, om løyve for ekspressbussrute på strekninga Bergen – Stavanger, vert godkjend for ein prøveperiode på to år.
Fylkesutvalet set følgjande vilkår til løyvet:
a) Takstar og ruteplan skal godkjennast på førehand av Hordaland fylkeskommune.
b) Selskapet skal dekkje ein del av alle felleskostnader i samband med trafikantinformasjon, bruk av terminalar og liknande, som står i rimeleg høve til selskapet sin andel av det samla rutetilbodet på løyvestrekninga.
c) Selskapet skal i samråd med innehavarar av parallelle løyve og Hordaland fylkeskommune, fortløpande ta del i aktuell koordinering av rutetilbod, informasjon m.v.
d) Hordaland fylkeskommune kan på tre månaders varsel endre eller setje nye vilkår for drifta av løyvet i Hordaland.
Stanley Hauge