Samferdselsutvalet i Hordaland går inn for at det blir inngått avtale med HSD Sjø og Osterøy kommune om finansiering av ferjesambandet Breistein – Valestrandsfossen. Bidraget til Hordaland fylkeskommune er avgrensa til 200.000 kroner.
Avtalen som er forhandla fram går ut på at HSD Sjø, Osterøy kommune og Hordaland fylkeskommune dekker like stor del av tilskotet til drift av ferja i perioden 1. januar til 30. april neste år, men fylkeskommunen og kommunen sitt ansvar er avgrensa til 200.000 kroner.
I same saka vedtok utvalet å sende over eit forslag frå Liv Glasser (SV) til fylkesadministrasjonen. Det går ut på å undersøkje om det er mogeleg å søkje samferdselsdepartementet om midlar under ”Belønningsordning for betre kollektivtransport” til dette ferjesambandet. Med satsing på fleire avgangar og til dømes ekspressbuss Breistein-Bergen (med stopp Åsane sentrum) kunne kollektivtransporten bli vesentleg styrka, heiter det i vedtaket.
Saka går vidare til fylkesutvalet 19. og 20. november.
Bjarte Brask Eriksen