Vasskraft frå nye vatn i Kvinnherad

Statkraft vil bruke vatn frå Kvangrevatn og Markkjelkevatn i Kvinnherad til kraftproduksjon. Komité for miljø og samferdsel uttalar at dette ikkje vil vere i vesentleg konflikt med viktige regionale interesser og går inn for at Statkraft får løyve.

Statkraft vil overføre dei to vatna til Folgefonnverka som dermed kan auke kraftproduksjonen med 26,8 millionar (GWh) kilowattimar i året. Utbygginga vil koste 17,5 millionar kroner.

Saka går vidare til fylkesutvalet 22. mai.

Bjarte Brask Eriksen