Hordaland fylkesutval oppfordrar Meland kommune til å starta arbeid med kommunedelplan for kulturminne når kommunen skal kartleggja kulturminne og kulturlandskap. Fylkesutvalet kjem med denne oppfordringa i fråsegna si til kommuneplanen for Meland.
Det vert i samband med revisjon av kommuneplanen at arbeidet med kartlegging av kulturminne skal starta. Fylkesutvalet vonar at dette arbeidet resulterer i eit temakart som viser viktige kulturminne, kulturmiljø og kulturlandskap i kommunen.
I detaljplanlegginga av kommuneplanen føreset fylkesutvalet at konflikt med gravrøys på næringsareal ved Flatøy og steinalderbuplass ved Sætrevik vert løyst. Elles viser fylkesutvalet til at framlegget til kommuneplan for Meland er godt i samsvar med gjeldande fylkesplan og aktuelle fylkesdelplanar.
Stanley Hauge