Komite for miljø og samferdsel ønskjer ikkje spreidd utbygging i landbruks-, natur- og friluftsområde i Sund kommune. I samband med framlegget til kommuneplan fremjar komiteen motsegn.
I hovudsak konkluderer komiteen med at det er samsvar mellom gjeldande fylkesplan og framlegget til kommuneplan i Sund. Men komiteen går inn for at kommunen heller satsar på fortetting ved kommunesenteret og ei sterkare konsentrasjon kring lokalsenter i skulekrinsane, i staden for spreidd utbygging.
Komiteen ser svært positivt på at det er fastsett grense for funksjonell strandsone for heile kommunen, men rår i frå nye akvakulturområde i friluftsområde/båtutfartsområde i Raunefjorden for å unngå konfliktar mellom akvakultur og viktige regionale friluftsinteresser.
Saka går vidare til fylkesutvalet 26. juni.
Bjarte Brask Eriksen