Komite for miljø og samferdsel i Hordaland tilrår mot fire røyster å seie nei til søknaden om forskottering av opprusting av Fv 313 Evanger-Nesheim og Fv 344 Nesheim-Modalstunnelen.
Det er kommunane Voss, Vaksdal og Modalen som saman med BKK søker om opprusting av vegen. Avslaget blir tilrådd med bakgrunn i nye rammer og hovudprioriteringar i fylkesvegplanen 2002-2011.
Komiteen ber regionvegsjefen i samråd med fylkesrådmanen gjennomføre nye drøftingar med partane for å finne eit alternativt finansieringsopplegg for prosjektet. Søknaden gjekk ut på å forskottere 10 millionar kroner med føresetnad om 15 millionar kroner i ordinær løyving over fylkesvegbudsjettet.
Saka går vidare til fylkesutvalet og fylkestinget 11.-12. juni.
Bjarte Brask Eriksen