Idrettspresident Kjell O. Kran skyter av Hordaland fylkeskommunen. Han har med glede registrert at fylkeskommunen i den nye organisasjonsstrukturen som skal gjelda frå 31. mars i år, får ei sektoreining som heiter «Kultur og idrett».
Hyggeleg brev
Idrettspresidenten har sendt eit hyggeleg brev til fylkesordføraren og fylkesrådmannen. Der skriv han at så vidt Norges idrettsforbund og olympiske komité kjenner til, er Hordaland den første fylkeskommunen som synleggjer idretten ved ei slik organisering. Då Hordaland fylkeskommune på midten av 1990-talet innførte stillingsnemninga «idrettssjef», var dette også som det første, skriv Kran.
Idrettens betydning
«Vi setter stor pris på Hordaland fylkeskommunes vilje til å utheve idrettens betydning i fylkeskommunens arbeid, og vi skulle gjerne sett en tilsvarende organisering i landets øvrige fylker,» heiter det i brevet.
Stanley Hauge