Fylkesutvalet rår til at Hordaland fylkeskommune skal arbeida for ei vidare utbygging av ein profesjonell regionopera for Vestlandet. For å få til dette, går fylkesutvalet inn for at det vert etablert eit samarbeidsforum for dei ulike kulturinstitusjonane
Samarbeidsforumet skal rapportere årleg til Komiteen for kultur og helse, Hordaland fylkeskommune, heiter det i tilrådinga frå fylkesutvalet som fylkestinget skal handsama 11.-12. mars.
Fylkesutvalet rår også til at fylkeskommunen skal oppretthalda representasjonen sin i styret for det regionale operaselskapet Vest Norges Opera, og ynskjer å tre inn med styrerepresentasjon i Stiftelsen Opera Vest.
Hordaland fylkeskommune ynskjer at Stiftelsen Vest Norges Opera og Stiftelsen Opera Vest held fram som offentleg støtta operaproduksjonsselskap.
Stanley Hauge