Årsbudsjettet for 2004 og økonomiplanen for åra 2004-2007 står på sakskartet til Hordaland fylkesting sitt møte i Bergen Kongress Senter 9.-10. desember. Møtet startar tysdag 9. des. kl. 09.00. I tillegg til budsjettsaka kjem 20 andre saker opp til handsa
Mellom sakene som skal opp er fordeling av konsesjonskraftmidlar, handlingsplan for Vestlandsrådet, lånegaranti for Rv. 544 Halsnøysambandet, fylkesdelplanen for hamn 2004-2013 og vurdering av å nytta anbod ved innkjøp av snøggbåttransport i Hordaland. Fylkestinget skal vedta fråsegn til konsekvensutgreiing og verneframlegg for Folgefonna nasjonalpark med tilliggjande område for landskapsvern.
Andre saker er avtale med Hardangerbrua AS, innspel til Distriktskommisjonen og søknad om overdraging av kai og sjøbu på Valen til Valenstiftinga.
Møtet tysdag 9. des. er lagt opp til å vara frå kl. 09.00 til 16.00 med lunsjpause kl. 12.30-13.30. Det vert møte i valnemnda kl. 16.00 og deretter møte i fylkesutvalet. Onsdag tek møtet til kl. 09.00 og varer til sakshandsaminga er ferdig. Lunsj vert då mellom kl. 13.00 og 14.00.
Saksdokumenta til møtet finn du under: http://www.hordaland.no/polsak21/default.asp
Stanley Hauge