Torsdag 18. desember underteikna fylkesrådmann Paul M. Nilsen (t.h.) og administrerande direktør i Vital Eiendomsforvaltning, Bjørn Østbø, kontrakten som inneber at Hordaland fylkeskommune kjøper Fylkeshuset i Agnes Mowinckelsgate 5 for 142,5 millionar kr
Fylkestinget vedtok i oktober at fylkeskommunen skulle kjøpa Fylkeshuset. I det lange løp er det gunstigare å eiga enn å leiga. Ikkje minst med dagens låge rentenivå kan eit slikt kjøp vera gunstig.
Med ei rente på 5 prosent vil det ta 17 år før bygget er nedbetalt. I 2004 vil Hordaland fylkeskommune spara om lag 1,5 millionar kroner på kjøpet i høve til kva kostnaden ville vore ved leige.
Kjøpesummen på 142,5 millionar kroner er medrekna kjøpskostnader.
Nils Marton Aadland